అప్పు కరువు పిల్లలం;----గుర్రాల లక్ష్మారెడ్డి, కల్వకుర్తి.సెల్.నేం.9491387977.నాగర్ కర్నూల్ జిల్లా.

దరువు తప్పి తిరుగుతున్న పిల్లలం

 కరువు కప్పి కరుగుతున్న మల్లెలం

 బతుకు పరుగు తీస్తున్న వారలం 

మెతుకు తరుగు చూస్తున్న పోరలం

వరద వచ్చి వరి చేను నీటిలో మునిగింది

బురద హెచ్చి బుడ్డచేను బురిడీ కొట్టించింది

తినలేక కొనలేక మాకు మెతుకే కరువయ్యింది

సాగలేక వేగలేక ఈ బతుకే ఇక బరువై యింది !

మా సర్కారు ప్రకటించే మాకు కరువు సాయం

మా  తకరారు వికటించి అయ్యె మాకు గాయం

కరువు సాయం అందలేక మేం చిన్న బోయి ఉన్నం

ఉరువు గాయం నయంగాక ఖిన్నులమై పడిఉన్నం !

ఈ కరువు సాయం అనలేదు మా కంటికి

మా వరద గాయం మానలేదు ఈ ఒంటికి

ఆదుకుంటాం సాధు కుంటాం అంటారంతా

ఆదుకుంటే సాదుకుంటే  మాకెందుకు చింత !

అప్పు ముప్పులు కనుకోక తప్పులు ఎన్నో చేసాం

తప్పు డప్పులు వినుకోక ముప్పు లెన్నో చూసాం

ముప్పు తిప్పలు పడుతూ ముందు దారి కొచ్చాం

మెప్పు గొప్పలు చేపడుతు మా విందు కోరిఇచ్చాం !