గంట (బాల గేయం );-ఎం. వి. ఉమాదేవి

- మోగుతుంది వైనాలుగా 

బడిలో గంట మోగేనంట 

దోస్తులతోటి వెళ్లే నంట 

గుడిలో మధురం జేగంట 

గోపురంలోను గువ్వల జంట!

ఎద్దులబండికి అందం గంట 

కోడెదూడమెడలో చిన్నిదో  గంట 

జంగం దేవర చేతిలో గంట 

వంటికి పూసే విభూతి పంట !

వేసవి కాలం మల్లెలనంట 

పూలజడకొస కుచ్చులజంట 

పూరిళ్లపైన ఎగిసే మంట 

అగ్నిమాపకo గణగణ గంట !

పురాతనమై భారీ గంట 

లేపాక్షి బసవకి  రాతి గంట 

సాలార్జంగ్ మ్యూజియం నంట 

అమ్మాయి కొట్టే గడియారం గంట !

వెడ్డింగ్ బెల్స్ మోగే నంట 

క్రిస్మస్ కి తాత బహుమతులంట 

లోహపు చిత్రం మోగే గంట 

పిల్లలకే మోజు ఐస్క్రీమ్ గంట!