ఉత్పలమాల పద్యాలు;- మచ్చ అనురాధ--యస్.ఏ.తెలుగు --జి.ప.ఉ.పా.కుకునూర్ పల్లి, కొండపాక మండలం, సిద్దిపేట జిల్లా.

 1.
పంతము బూన రాదనియు పట్టును జూపక మేలు జేసినన్,
వంతలు నె న్ని యున్న మరి వారధి వేయుట నెంచి నిల్చితిన్ ,
సుంతము లెక్కచేయకను శోకము నింపిరి మానసంబునన్ ,
మంతువు  జెందిబంధముల మాయను గంటిని పాలలోచనా! .
2.
మానవ బంధముల్గనగ మాయను గప్పెను లోకమందునన్ ,
హీనము లాయె కార్యములు హేయము గల్గెను  రక్త పాశముల్ ,
గానము జేసి వేడెదను గైకొను ప్రార్థన లోక బాంధవా !,
పానము జేసినామదిని పావన మొందగజేయు శంకరా ! .
3.
కొండల పైన యుండెదవు  గొప్పగ భక్తులనేల యీశ్వరా!,
నండగ యుండి నాదరిన , యాపదలెల్లను  దీర్చవేలరా !,
మొండిగ నుంటివేల ,మది మోహన ముగ్ధ మనోహరుండ వై !
దండిగ నిన్నెనమ్మితిని దానవ మర్దన గౌరి శంకరా! .

వంత...బాధ.
మంతువు... జ్ఞానము.