సీతాకోకచిలుక (బాలగేయం);-:- డా.గౌరవరాజు సతీష్ కుమార్.

సీతాకోక చిలుకమ్మా 

అందం అంటే నీదమ్మా 

గాలిలో తేలుతు ఉంటావు 

అందాలను చిందిస్తావు 

పూలమీద వాలుతావు 

మధువులన్ని గ్రోలుతావు 

ఎక్కడి నుండి వస్తున్నావొ 

నీపయనం ఎక్కడికో 

నీ జాడంతా చెప్పమ్మా 

నీకోసం నే చూస్తానమ్మా 

రంగురంగుల ఓ చిలుకా 

నీ రెక్కలపైన ముచ్చటైన 

డిజైన్లనెవరు వేసిరో చెప్పమ్మా

ముద్దు ముద్దుగా ఉన్నావమ్మా

సీతాకోక చిలుకమ్మా

అందం అంటే నీదమ్మా !!