మానవా ఓ మానవా
హింస చేయుట మానవా
పెద్దల మాటలు వినుకొని
సద్గతి దారిని కనవా. !
జీవులన్నీ సమానమని
యధార్థాన్ని తెలుసుకొని
నడుచుకోవాలి మనం
అందరం ఇక సర్దుకొని !
తోటి ప్రాణుల ప్రేమించు
కనికరంతో పోషించు
కోరుతాయి నీ చెలిమిని
ఆనందం పొంది చెలించు !
అసత్యమును ఆడవద్దు
సత్యము పలుకుటే ముద్దు
ఈ నిజమును తెలుసుకోని
గ్రహించు ఇక ఈ పొద్దు !
ఎవరికి చేయకు ద్రోహం
వదులుకో ఇక నీ అహం
ఇక ఇది నీకే మంచిది
నిలుపుకో నీ నిగ్రహం !
ద్వేషాన్ని పెంచుకోకు
స్నేహాన్ని తెంచుకోకు
ఇవి నీ జీవన సత్యాలు
అని నీవిక మరువబోకు !
ఇక కులం తలం ఎంచకు
మరి ఎవరికి తలవంచకు
నీకు నీవే సాటి అని
తెరను నీవు ఇక దించకు !
అడ్డదారిలో నడవకు
బిడ్డ చేయినిక విడవకు
ఇల ఆదర్శంగా నిలువు
పడి లేచి తడవ తడవకు !
అశాంతి చింతను వదులు
శాంతి స్థాపనకు కదులు
సాధించు నీవు విజయం
ప్రశాంతి మదిలో మిగులు
ధన దాహం వదులుకో
గురు ద్రోహం మానుకో
మసులుకో ఇక మనిషిగా
శిష్యుడవై కోలుకో !
addComments
కామెంట్ను పోస్ట్ చేయండి