కవిసమ్రాట్ విశ్వనాథ వారు;-ఏ.బి ఆనంద్,ఆకాశవాణి,విజయవాడ కేంద్రం,9492811322.

 ఆంధ్ర దేశమే కాక యావద్భారత దేశం గర్వించదగిన అత్యద్భుత  కవిసమ్రాట్ విశ్వనాథ సత్యనారాయణ గారు. అన్ని ప్రక్రియలను చవిచూసిన వారు  కళాశాలలో  అన్ని స్థాయిలలో  ఉద్యోగాలు నిర్వహించిన వారు  కవిగా, రచయితగా, వ్యక్తిగా  ఆయనకు ఉన్న పేరు మరెవ్వరికీ లేదని నా ఉద్దేశ్యం. ప్రఖ్యాత నటుడు ఎన్టీ రామారావు గారు ఎస్.ఆర్.ఆర్ జూనియర్ గవర్నమెంట్ కాలేజ్  విజయవాడలో చదువుతున్న సందర్భంగా గురువు గారు విశ్వనాథ సత్యనారాయణ గారు నాగమ్మ నాటకాన్ని రాసి  కళాశాలలో ప్రదర్శించడానికి  రామారావు గారితో నాగమ్మ వేషం వేయించారు. అప్పుడే రామారావు గారికి నునూగు మీసాలు వస్తున్నాయి. వాటిని తీయనని భీష్మించుకు కూర్చున్నారు మీసాల తోనే వేయి మీసాల నాగమ్మ అనే పేరు పెడదాం అన్నారు విశ్వనాథ వారు. అప్పటి నుంచి వారు రామారావు గారిని  మీసాల నాగమ్మ అనే పిలిచేవారు. తరువాత రామారావు గారు పేరు ప్రఖ్యాతలు  వచ్చిన  తదుపరి విజయవాడలో ఏ కార్యక్రమం జరిగినా గురువుగారిని అధ్యక్షులుగా  ఆహ్వానించేవారు. గురువు గారికి  ఆరోజు కుదరకపోతే ఆయన కోసం  ఆయనకు కుదిరిన రోజున ఏర్పాటు చేసుకునేవారు. రామారావు గారికి అంత గురుభక్తి  నేను ఆకాశవాణిలో చేరిన తరువాత ఉషశ్రీ గారి ద్వారా వారితో సంబంధం ఏర్పడిన తర్వాత వారు నన్ను కుటుంబ సభ్యులు లాగానే చూసేవారు.  ఆ తర్వాత ఒక రోజు వారి రచనల గురించి మాట్లాడుతూ  వాల్మీకి మహర్షి అద్భుతంగా  ధర్మాన్ని ప్రతిష్టస్తూ  రామాయణం గొప్పగా రాశారు కదా అంతకన్నా బాగా రాయాలనే అభిప్రాయంతో  మీరు ఈ ప్రయత్నం చేశారా?  మీరు చాలామందికి చెప్పిన సమాధానం తిన్న అన్నమే తిరిగి తింటున్నాం అని చెప్పిన సందర్భాలున్నాయి. అలా కాకుండా మీ మనోగతాన్ని  చెప్పగలరా  అంటే పకపకా నవ్వి ఏరా  ఆ మహర్షి కన్నా గొప్పగా రాయడమా  నేనే కాదు ప్రపంచంలో ఏ ఒక్కరూ రాయలేరు. ఆయనలో వందో వంతు రాయగలిగితే మన జన్మచరితార్థం అవుతుంది.  అదే కాదు రా  వాల్మీకి మహర్షి రాసిన వాచ్యాన్ని  నేను దృశ్యం చేయడానికి ప్రయత్నం చేశాను తప్ప వారితో పోటీ ఏమిటి  రా  అని మళ్లీ నవ్వేరు  ఆయన వ్రాసిన వేయిపడగలు  భారతీయ సంస్కృతి సంప్రదాయాలసారం మొత్తాన్ని  వ్యక్తీకరించారు  దానిని మన ప్రధాని  పీవీ నరసింహారావు గారు హిందీలో అనువదించి  కేంద్రానికి పంపితే జ్ఞానపీఠ బహుమతుల నిర్ణయాధికారి బెజవాడ గోపాల్ రెడ్డి గారు  దానికి  బహుమతులు ఇచ్చారు. అంత గొప్ప బహుమతి పొందిన  విశ్వనాథ వారికి ఇసుమంతైనా  గర్వం లేదు  వ్యక్తిగా అహం ఎంత వరకు ఉండాలో అంత వరకే  అహంకారి మాత్రం కాదు వారు ఎప్పుడూ చిరునవ్వుతోనే సమాధానం చెబుతూ ఉంటారు. వారి వ్యక్తిత్వాన్ని గురించి ఎంత చెప్పినా తక్కువే. అలాంటి మహా యోగి  వ్యక్తిగతంగా  నన్ను ఆప్యాయంగా చూడడం  మా గురువుగారు ఉషశ్రీ గారి  పుణ్యం.