బాల పంచపదులు
===============
1. గ్రామీణ ఆట చెడుగుడు!
ఆ ఆనందం మణుగుడు!
కూత వేస్తూ పరుగిడు!
నేర్పు చూపి కలబడు!
కబడ్డీ ఆడాలి,
ఆడి గెలవాలి, రామా!
2.అవసరం లేదు ఏ హంగులు!
కొనక్కరలేదు ఏ వస్తువులు!
కోర్టు జాగా ఉంటే చాలు!
పిల్లలకు అదే ఎంతో మేలు!
కబడ్డీ ఆడాలి ,
ఆడి గెలవాలి, రామా !
3. రెండు టీములు ఆడాలి!
టీముకు ఏడుగురు ఉండాలి!
కూత పెట్టాలి పట్టు పట్టాలి!
జట్టు కట్టాలి జయించాలి!
కబడ్డీ ఆడాలి ,
ఆడి గెలవాలి ,రామా!
4. చూసేవారిచ్చే ప్రోత్సాహం!
ఆడేవారికి ఎంతో ఉత్సాహం !
ఉభయులకు సువర్ణావకాశం!
ఆ సమయం సద్వినియోగం!
కబడ్డీ ఆడాలి ,
ఆడి గెలవాలి రామా!
5. కబడ్డీ ఆట విజేతలు!
ఉద్యోగాల్లో ప్రాముఖ్యతలు!
ఆటగాడిగా అభినందనలు!
ఉద్యోగస్తుడిగా మన్ననలు!
కబడ్డీ ఆడాలి ,
ఆడి గెలవాలి, రామా!
6. కబడ్డీ,కోకో పిల్లలు ఆడాలి!
వాటిలో పిల్లలు ఆరితేరాలి!
ఆటల్లో గెలుస్తూ ఉండాలి!
జీవితాన ముందుకు పోవాలి!
కబడ్డీ ఆడాలి ,
ఆడి గెలవాలి, రామా!
7. కబడ్డీలో,
"ద్రోణాచార్యులు" ఉన్నారు!
"అర్జునులు",
తయారవుతున్నారు!
పోటీల్లో గెలుస్తున్నారు!
గుర్తింపు సాధిస్తున్నారు!
కబడ్డీ ఆడాలి ,
ఆడి గెలవాలి, రామా!
________
addComments
కామెంట్ను పోస్ట్ చేయండి