సుప్రభాత కవిత ; -బృంద

రంగులీను ఈ జగమే

సుందర నందనవనము

ప్రతి ఉదయం 

ఒక అద్భుతం

మనచుట్టూ ఉన్నరంగులే

మన జీవితంలోనూ....

ఆశకు వెలుగు

నిరాశకు చీకటి

కోరిక కు ఎరుపు

తృప్తికి తెలుపు

ప్రతిభావానికీ

ఒకరంగు ప్రతీక

చెలిమిదో రంగు

ప్రేమదో రంగు

లోపల ఓ రంగు

బయటికో రంగు

వేకువలో రంగుల

రంగవల్లులేసే గగనం

రంగురంగుల పువ్వులతో 

ఆకులతో

నవ్వే భువనం

ప్రకృతిని చూస్తూపరవశించే  అంతరంగముంటే

రకరకాల రంగుల పువ్వులు

విరబూసిన అనుభూతుల

ఉద్యానవనం మన జీవితం.

హృదయంతో 

ఉదయరాగమాలపించి

స్వాగతిద్దాం మరో రోజును

🌸🌸 సుప్రభాతం 🌸🌸