"నీవు వ్యాఘ్రానివైతే.... !"--. కోరాడ నరసింహా రావు.

కౄర జంతువు రౌద్రంతో రగిలిపోతున్నా....  లక్ష్యపెట్టక 

చోద్యం చూస్తున్న మర్కటం !

    మరింత క్రోధం తో గాండ్రి స్తున్న పులి !

     చాల్లే నీబడాయి... !నీ అరుపులకిక్కడ భయపడేవారెవ్వరూ లేరిక్కడ 

నీకు పరుగులుతీసి పంజావిసిరే శక్తి ఉంటే..., నాకు క్షణాలలో కొమ్మనుంచి కొమ్మకు గంతులేస్తూ తప్పించుకునే యుక్తి ఉ ఉంది.. !

  నాయుక్తిముందు నీ ఆటలేవీ పనిచేయవు... !!పో... పో.... 

పోయి నీ పనిచూసుకో.... 

నీవు వ్యాఘ్రాని వైతే... నేను 

 సముద్రాన్నే లంఘించి, లంకా 

దహనం చేసిన హనుమకు వారసుడ్ని.... !

  అంటున్నట్టు నిర్లక్ష్యంగా... 

  తొణుకూ బెణుకూ లేకుండా 

నిశ్చలంగా కూచుంది.... 

   వానరం..... !!

    *******