పూవుల్లాంటి పిల్లలం
అల్లరి ఆకతాయులం
ఆటలు చక్కగా ఆడుతాం
పాటలు చక్కగ పాడుతాం
మబ్బు తోటి లేచేస్తాం
మంకు పట్టి చదివేస్తాం
టూత్ బ్రష్కు పేస్ట్ పెట్టి
ముఖం బాగా కడిగేస్తాం
నల్ల నీళ్లు ఒడుపుగ పట్టి
శుభ్రంగ స్నానం చేస్తాం
అమ్మ ఇచ్చిన ఇస్త్రీ డ్రెస్స్
నల్గకుండ వేసుకుంటాం
నానమ్మ పెట్టిన టిఫిన్
అల్లరి చేయక తినేస్తాం
తాతయ్య వెంట రాగా
స్కూల్ బస్సులో ఎక్కేస్తాం
ఆడుతూ పాడుతూ
చదివేస్తాం అందర్నీ
మేం మెప్పిస్తాం
లంచ్ బాక్స్ ఖాళీ చేసి
ఇంటికి తిరిగి వచ్చేస్తాం
అమ్మ చెప్పిన
హోమ్ వర్క్ చేసి
ఆరు బయట తిరిగేస్తాం
చీకటి పడగా ఇంటికి వచ్చి
అన్నం తినేసి పడుకుంటాం
addComments
కామెంట్ను పోస్ట్ చేయండి