ఫాదర్స్ డే శుభాకాంక్షలు;- బల్ల కృష్ణవేణి- పలాస- శ్రీకాకుళం జిల్లా

 ప్రతి సంవత్సరం జూన్ మూడవ ఆదివారం రోజున ఫాదర్స్ డే ను నిర్వహించుకుంటున్నారు.
"నాన్న'"... తప్పటడుగులు సరిదిద్ది బిడ్డల భవిష్యత్తు కోసం తపనపడే నిస్వార్ధపు మనిషి నాన్నంటే బాధ్యత,... ఓ భద్రత, భరోసా.... కన్న బిడ్డలే జీవితంగా బతుకుతాడు. జీవితాంతం పిల్లలను తన గుండెల పై మోస్తాడు, వాళ్ల కోసం రక్తం చిందిస్తాడు, ఈ క్రమంలో తన అవసరాలు, ఆరోగ్యం అన్నింటినీ పక్కన పెడతాడు, తన బిడ్డలు ఒక్కో మెట్టు ఎక్కుతుంటే ఎంతో సంతోషపడతాడు. పిల్లలు ఏదైనా సాధిస్తే చిన్నపిల్లడిలా సంబరం పడిపోతాడు.
ఓడినప్పుడు నేనున్నాలే అని వెంట ఉండి ధైర్యం చెప్పే వ్యక్తి.... ఒక్కరే... ఆయనే నాన్న..
నాన్న... అన్న పదము కన్నా కమ్మగా ఉండదు వెన్న.... లక్ష్యం వైపు దూసుకెళ్లే బాణం మనమైనా... నాన్న లాంటి విల్లే లేకపోతే దాని ఫలితం సున్నా...... రేపటి మన భవిష్యత్తుకు ఆయన పడే తపన రేపటి మనకు నిలువుటద్దం నాన్న.... అలాంటి నాన్న దేవుడి కన్నా మిన్న. మేమున్నామని ఎందరు చెప్పినా నాన్నగారి ఆదరణ ముందు అవి ఏవి నిలబడవు
++++++++++++++++++++++++++++++++++++++++++++++++++++++++++++++++++++

ఓ పాప.... నాన్న కథ.....

కొండాపురం అనే గ్రామంలో ఒక రైతు ఉన్నాడు. అతని పేరు కోటన్న, అతని భార్య పేరు కొండమ్మ, భార్యాభర్తలిద్దరూ వ్యవసాయం పనులు చేసుకుని ఆ ఊరిలో గౌరవంగా బ్రతుకుతున్నారు. వారికి చాలా కాలం తరువాత సంతానం కలిగింది. ఆ పాప పేరు కోమలి, ఆమెకు అల్లారుముద్దుగా పెంచుతున్నారు. తమ ఇంటికి దగ్గరలో ఉన్న బడిలో చదివించుతున్నారు. ఆమెకు కష్టం విలువ తెలియకుండా పెంచారు. తండ్రి కోటన్న కోమలి బడి ఆట స్థలం నుండి రోజు వ్యవసాయం చేయడానికి పొలం కి వెళ్తుండేవాడు. ఒకరోజు బడి పిల్లలు ఆటలు ఆడే సమయంలో పొలం నుండి కోటన్న ఇంటికి వస్తున్నాడు. అప్పుడు పిల్లలు ఆడే బాలు కోటన్నకి తగిలి, గాయం అయ్యి పడిపోయాడు. పిల్లలు అంతా కోమలి!, మీ నాన్నకి దెబ్బ తగిలింది రా అని పిలిచారు. అప్పుడు ఆమె అతను మా నాన్న కాదు అని చెప్పింది. తన నాన్న ఒక పంచ,, భుజంపై తువ్వాలు తో వ్యవసాయం చేస్తూ ఉంటాడు. చూడడానికి పనివాడిలా ఉన్నాడు అని మిత్రులందరూ ఎగతాళి చేస్తారని అలా చెప్పింది కోమలి. అదే బడిలో తెలుగు మాస్టారు వచ్చి కోటన్నకి ఎత్తి పట్టుకుని నీళ్లు త్రాగించి, కోమలి తన నాన్నని నాన్న కాదని అన్నది అందుకు మందలించి నాన్న విలువ కోమలికి తెలిసి వచ్చినట్లు చెప్పారు.
నాన్న అంటే ఓర్పుకి మారుపేరు
మార్పుకు మార్గదర్శి
నీతికి నిదర్శనం
మన ప్రగతికి సోపానం... నాన్నే
నాన్నే నీ మొట్టమొదటి గురువు అని మాస్టారు బోధించారు. అప్పటినుండి కోమలి తన తల్లి, తండ్రి పైన గౌరవంతో మసులుతుంది. వాళ్లే ప్రత్యక్ష దైవాలుగా తెలుసుకుంది
ప్రతి కొడుకు,, కూతురు తల్లితండ్రులను చివరి కాలం వరకు ప్రత్యక్ష దైవాలుగా భావించి గౌరవముగా చూసుకోండి.
.... నాన్నకు ప్రేమతో.....



********************s