* కల కాలం వర్ధిల్లండి... ! *;- కోరాడ నరసింహా రావు.

 భారతమాతను నేను..... 
 మీ బంగరు  భవితను నేను !మీకు రక్షణ కవచముగా.... 
 హిమవన్నగముల నుంచాను 
 మీ ఆకలి దప్పులు దీర్చగా... 
.  జీవనదులను పంచాను !
 రత్న గర్భనై... సిరి, సంపదల మిము  తుల తూగించేను.. !!
  పవిత్ర ధర్మ పిల్లగాలుల... 
 మిము పునీతుల గావించేను!
కులములు, మతములు, ప్రాం తములతో... భిన్నత్వములో ఏకత్వముగా... అందరి నొకటిగ చూసేను... !
  మీరు సమైక్యతా సమగ్రతలతో సహోదరులమని గుర్తు పెట్టుకుని..., 
కలిసి, మెలిసి ఉండండి... 
 శత్రుమూకల ఆటలు సాగనీయక, మానసత్తాను చాటండి.. !
  మన జాతి కేతనం విను వీధులలో... స్వేచ్ఛగా ఎగుర వేయండి.... !
  జయ - జయ భారత వీరపుత్రులు కల కాలం వర్ధిల్లండి !!
    **&&&**