నా పైత్యం- గుండ్లపల్లి రాజేంద్రప్రసాద్, భాగ్యనగరం

ఒక దీపము వెలిగింది

ఓ దృశ్యము కనపడింది

ఒక అందము ఆకర్షించింది

ఓ ఆనందము కలిగించింది

ఒక మోము తళతళామెరిసింది

ఓ నవ్వు పకపకాలాడించింది

ఒక చూపు సూటిగాతగిలింది

ఓ కైపు మేనునావరించింది

ఒక మాట వినిపించింది

ఓ మారు కులుకించింది

ఒక ఊహ మదినితట్టింది

ఓ భావన బయటకొచ్చింది

ఒక స్నేహము కుదిరింది

ఓ కార్యము నెరవేరింది

ఒక తోడు దొరికింది

ఓ జోడు లభించింది

ఒక పైత్యము తలకెక్కింది

ఓ కవిత్వము వెలువడింది

ఒక నిమిషం వీలయితేచదవండి

ఓ అభిప్రాయం నచ్చితేతెలుపండి