గోవిందుడు;- టి. వి. యెల్. గాయత్రి- పూణే. మహారాష్ట్ర.

మత్తేభ విక్రీడితములు //

గురుతుల్ చెప్పెద !కొంటె బాలుడతడే!గోవింద నామంబుతో

తరువుల్ దూకుచు

నాడుచుండు!కనరో!దైవాంశ సంభూతుడే

వర పుత్రుండు యశోదకున్ గలిగి

తావర్ధిల్లె రేపల్లెలో

మురిపెంబారగ పెంచుకుందురతనిన్ ముద్దార గోపాలకుల్ //

పరమంబైన రహస్యమున్ దెలిపెదన్ బాలుండు కాదీతడే

చిఱు ప్రాయంబున పెక్కు లీలలిట నచ్చెర్వొందగా సల్పితా

చరియించెన్ ధర

నుద్ధరించ తనదౌ సామర్ధ్యమే చూపుచున్

బరమాత్ముండిదె వచ్చె నిక్కమిదియే ప్రార్థించ మోక్షంబిడున్ //

హరియే విశ్వమయుండటంచు మదియందామూర్తినే నిల్పుచున్

నిరతంబాతని నామమున్ బలుకుచున్ నిర్మోహులై యోగులున్

మరుజన్మంబుల నొందఁరీ విధిని సన్మార్గంబునన్ బోవగన్

శరణంబంటిని విష్ణువున్ గొలుచుచున్ సద్బుద్దితో మెల్గుచున్ //