85.
భూగోళాన ఎక్కడైనా,
మానవుడొక్కడే!
అతడి శాస్త్రీయ నామం,
హోమో సపియన్, ఒక్కటే!
భౌగోళికంగానే ,
బాహ్య స్వరూప భేదాలు!
దేశాల్ని బట్టి,
వేరు వేరు జాతీయనామాలు!
మనసు మూలం,
ఒక్కటే , మానవత్వమే!
86.
వసుధైక కుటుంబం ,
మన సంస్కృతి!
మనిషిని ప్రేమించడం,
మన సుకృతి!
మనిషిలో దేవుని,
గుర్తిస్తే అదే సద్గతి !
మనిషి తాను,
మనిషినని మరిస్తే దుర్గతి!
మానవత్వానికి సమాధి,
కడితే. జీవితమే వికృతి !
87.
మానవత్వం పరిమళిస్తే.
మనిషే మహాత్ముడు!
మానవత్వం ఉనికితో,
అతడెంతో ఉదాత్తుడు !
మానవత్వం చిగురులేస్తే,
విశ్వజనఆప్తుడు !
మానవత్వం మరుగైతే,
చిక్కని నేరస్తుడు!
మానవత్వం పంచితే,
ధరలో ధర్మాత్ముడు!
______'___
రేపు కొనసాగుతుంది.
జీవన సార్ధకత.- డా పివిఎల్ సుబ్బారావు, 94410 58797.
addComments
కామెంట్ను పోస్ట్ చేయండి