జీవన సార్ధకత.;- డా పివిఎల్ సుబ్బారావు 94410 58797.

121.

మేఘం చూడు, కూడబెట్టిన, నీరు వర్షించి తరిస్తోంది!

వనం పిలిచి, పూలనవ్వుల, పలకరించి పరవశిస్తోంది! 

అంతరంగం విను, ప్రేమగా, ఎంతగానో మందలిస్తోంది! 

మానవత్వం నిలబెట్టమని, లాలిస్తూ, ప్రబోధిస్తోంది !

కాలం సాగిపోతూ ,ఒక, అడుగు, ఆగి ఆశీర్వదిస్తోంది!

122.

ప్రపంచాన అసురులే కాదు, సురులూ ఉన్నారు! 

భారతాన కౌరవులతోపాటు, పాండవులూ ఉన్నారు !

ఇక్కడ  గంజాయి వనాలేనా, తులసి మొక్కలూ ఉన్నాయి!

 లెక్క తక్కువైనా, నిక్కచ్చి , మానవులూ ఉన్నారు!

 దురాత్ములెందరున్నా ,

ఒక మహాత్ముడూ ఉన్నాడు!

123.

తులసీదాస్ ,కబీర్ దాస్ ,

సూరదాస్!

 

తుకారాం, శిరిడి సాయి, మీరాబాయి !

ఇలా ఎందరో కారణజన్ములు,

అవతరించిన ఘనులు!

 

దైవ ప్రతినిధులు,

          నిజ జ్ఞాననిధులు!

 వారి బోధనలు పూర్తిగా విను ,

చూపిన జాడ వీడక నడు!

_________

రేపు కొనసాగుతుంది.