మాతాతగారి ఊరు.......... !;- కోరాడ నరసింహా రావు.

మా తాత గారి ఊరు మీరు 

   వస్తారా... పిల్లలూ.... !

 అది అందమైన పల్లెటూరు 

    వదలి మీరు రాలేరు !!

బస్సు దిగి  రెండు కిలో 

    మీటర్లు నడవాలి.. !

 దారి పొడుగునా  ఉన్న 

    అందాలను చూడాలి !!

రోడ్డు కిరు వైపులా... 

   నీడనిచ్చు చెట్లున్నవి !

 కనుచూపు మేరలో... 

   పంట పొలాలే  అన్నీ ... !!

ఆ పొలాలను ఆనుకుని 

    ఉన్నది  ఓ పెద్ద చెరువు !

 ఆ చెరువు నీటితోనె... 

  మాపంటలన్ని పండుతాయి !!

మా ఊరికి ఉత్తరాన.... 

  రామా లయ మున్నది.... 

  దక్షిణాన ఉన్నది.... 

   మా  ఊరి బడి... !

ఊరి  మధ్యలోనె... 

  పెద్ద మంచినీళ్ల బావి... 

  ఆ బావినీళ్ళే.... ఊరం 

     దరికీ    ఆధారము... !

పడమటి దిక్కున... 

 పెద్ద మర్రి, రావి చెట్లతో 

  చుట్టూ గచ్చును వేసిన... 

   వి శాలమైన  రచ్చ బండ... !

సాయంకాలము అక్కడె 

  అందరు కలిసెదరు.... 

 ఆ రచ్చబండ మీదే.... 

   ఊరి తగవులు తీర్చెదరు !

తూరుపు దిక్కున పెద్ద 

   ఖాళీ స్థలము.... 

  అచట రేకు షెడ్డుతో... 

   పెద్ద ఎత్తైన వేదిక... !

ఆ వేదికపైనే  మాకు.... 

   సినిమాలు - నాటకాలు 

 వినోద కాల క్షేపాలన్నీ... 

  మా ఊరందరి కక్కడే..... !

స్వచ్ఛమైన గాలి, నీరు 

 ఆరోగ్యం - ఆహ్లాదం... 

   మా గ్రామాలలో నివసించే 

     ప్రజలదే... అదృష్టం... !

మాతాతగారి ఊరికి 

   రండి  పిల్లలూ... 

 మా  ఊరు చూసి వద్దాము 

    పదండి పిల్లలూ.... !!

     *******