ముద్ద మందారాలు;- -గద్వాల సోమన్న,9966414580

ముద్ద మందారాలు

ముద్దులొలుకు బాలలు

హద్దుల్లో ఉండే

శుద్ధమైన హృదయులు

సద్దు చేయు పిల్లలు

బుద్ధిలోన శ్రేష్టులు

వృద్ధి మార్గంలోన

ఉద్ధరించు మాన్యులు

అద్దంలాంటి వారు

సాటి వారికి లేరు

కఠిన మనస్కులు కారు

ఎవరు పోటీ రారు

బలే బలే బాలలు

భగవంతుని రూపులు

తూర్పున ఉదయించే

ఉషోదయ కిరణాలు

వెలుగులీను ప్రమిదలు

తెలుగులో మధురిమలు

సంగీత సరిగమలు

సెలయేరుల గలగలలు

ఆశల హరివిల్లులు

సొగసుల పొదరిల్లులు

సదనంలో బాలలు

గగనంలో చంద్రికలు

వెన్న ముద్ద మనసులు

వెన్నెలమ్మ జల్లులు

చిన్నారులు మహిలో

మహనీయులు మదిలో

పువ్వుల్లో తావులు

నవ్వుల్లో వెలుగులు

చిట్టి చిట్టి పిల్లలు

మట్టిలో మణిక్యాలు