కురిగాంలో జిల్లా అంతర పాఠశాలల క్రీడా పోటీలు

 రాష్ట్ర ప్రభుత్వ నిర్దేశాలమేరకు 
జిల్లా అంతర పాఠశాలల క్రీడా పోటీలు (గ్రిగ్స్) రెండు రోజుల పాటు నిర్వహించనున్నట్లు కొత్తూరు మండల స్పోర్ట్ ఆర్గనైజర్ జన్ని చిన్నయ్య తెలిపారు. 
ఈనెల పద్నాలుగు పదిహేను తేదీలలో కురిగాం జిల్లా పరిషత్ ఉన్నత పాఠశాల ఆవరణలో ఈ మండల స్థాయి పోటీలు జరుగుతాయని ఆయన అన్నారు.
వాలీబాల్, కబడ్డీ, ఖోఖో తదితర పోటీలు సీనియర్ జూనియర్ విభాగాల్లో జరుగుతాయని చిన్నయ్య తెలిపారు.
బాలురకు బాలికలకు వేర్వేరుగా ఈ పోటీలు నిర్వహించనున్నట్లు ఆయన తెలిపారు. 
కురిగాం ఉన్నత పాఠశాల ప్రధానోపాధ్యాయులు జి.ఈశ్వరరావు ఆధ్వర్యంలో నిర్వహించనున్న ఈ పోటీల నిర్వహణ ఏర్పాట్ల నిమిత్తం ఎం.ఎస్.ఓ. జన్ని చిన్నయ్యతో పాటు
సీనియర్ వ్యాయామ ఉపాధ్యాయులు రాజారావు, భాస్కరరావు, రామకృష్ణ, కృష్ణవేణి, శ్రీనివాసరావు తదితరులు సమావేశమయ్యారు.