మాట తప్పని వాడు
మడిమ తిప్పని వాడు
మహిని చూడగ ఱేడు
ఓ వెన్నెలమ్మ!
చెలిమి మనిషికి తోడు
జీవితానికి గూడు
దాని విలువను చూడు
ఓ వెన్నెలమ్మ!
వైరము వల్లకాడు
చేయు బ్రతుకును మోడు
విడిచిపెట్టుము నేడు
ఓ వెన్నెలమ్మ!
అన్నదాతల గోడు
వినే వాడే లేడు
మిగిలినది ఉరితాడు
ఓ వెన్నెలమ్మ!
వినుము పెద్దల వాక్కు
దీవెన మనకు దక్కు
తుదకు వారే దిక్కు
ఓ వెన్నెలమ్మ!
addComments
కామెంట్ను పోస్ట్ చేయండి