శ్రీ విష్ణు సహస్రనామాలు-(బాల పంచపది ; -ఎం. వి. ఉమాదేవి )

116)భబ్రుః -

==========

లోకములను భరించువాడు

జీవులకు భారం వహించువాడు

విశ్వమును మోయుచున్నవాడు

భబ్రు వాహనుడైనట్టివాడు 

శ్రీవిష్ణు సహస్రనామాలు ఉమా!

117)విశ్వయోనిః -

సమస్తముకు జన్మస్థానకుడు

విశ్వముకు మూలమైనవాడు

ప్రాణులకు కారణమైనవాడు

అనాదిమూలము తానైనవాడు 

శ్రీ విష్ణు సహస్రనామాలు!ఉమా!

118)శుచి శ్రవాః -

శుచియైనట్టి రూపo గలవాడు 

శుభనామములు గలిగినవాడు 

శ్రవణపేయమైనట్టి వాడు

శుభప్రదుడు నారాయణుడు 

శ్రీ విష్ణు సహస్ర నామాలు ఉమా!

119)అమృతః -

మరణము సమీపించనివాడు

నిత్యుడై వెలుగొందువాడు

అమృతతత్వం కలిగినవాడు

అమృతమునివ్వగల వాడు 

శ్రీ విష్ణు సహస్ర నామాలు ఉమా!

120)శాశ్వత స్థాణుః -

నిత్యమై గోచరించెడి వాడు 

స్థిరముగా నుండినవాడు

ఒకే తీరున కనిపించువాడు

నిశ్చలానందమైనట్టి వాడు

శ్రీ విష్ణు సహస్రనామాలు ఉమా!

(సశేషం )