శ్రీ విష్ణు సహస్రనామాలు (బాల పంచపది )- ఎం. వి. ఉమాదేవి

201)సంధాతాః -

జీవులకర్మలు జోడించువాడు

కర్మఫలమునిచ్చునట్టివాడు

ఆదేశించి కర్మచేయించువాడు

కర్మ కారణము తానైనవాడు 

శ్రీ విష్ణు సహస్రనామాలు!ఉమా!

202)సంధిమాన్ -

భక్తులతో సదాకూడినవాడు

సాధుసంతులకలుపువాడు

సజ్జనకూటమినున్నవాడు

తాపసులను చేర్చుకొనువాడు 

శ్రీ విష్ణు సహస్రనామాలు ఉమా!

203)స్థిరః -

సదా ఏకరూపునున్నట్టి వాడు

మారని విధముగానున్నవాడు 

స్థిరత్వముతో యున్నట్టివాడు 

మహిమలు స్థిరమైనవాడు 

శ్రీ విష్ణు సహస్ర నామాలు ఉమా!

204)అజః -

పుట్టుకయేలేని దివ్యాత్ముడు

నిత్యమును ఉండగలవాడు

అనాదిగానే సృష్టికారకుడు

తానే మొదటనున్నట్టివాడు

శ్రీ విష్ణు సహస్ర నామాలు ఉమా!

205)దుర్మర్షణః -

అసురులను దండించేవాడు

రాక్షసప్రవృత్తిఅణిచినవాడు

దైత్యులు భరించలేనివాడు

దుష్ట సంహారంజేయువాడు 

శ్రీ విష్ణు సహస్రనామాలు ఉమా!

(సశేషం )