శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

306)సహస్రజిత్ -

=============

వేలాది అసురులగూల్చువాడు

అనేక శక్తులున్నట్టి వాడు

వేయియుక్తులు గలిగినవాడు

శక్తిప్రయోగము చేయువాడు 

శ్రీ విష్ణు సహస్రనామాలు ఉమా!

307) అనంతజిత్ -

అనూహ్యమైనట్టి వాడు

శక్తి సామర్ధ్యములున్నవాడు

ఎదుర్కొనువారిని జయించువాడు

అనంతయుక్తి గలిగినవాడు 

శ్రీ విష్ణు సహస్రనామాలు ఉమా!

308)ఇష్టః -

భక్తులకు ప్రియమైనట్టివాడు

తాపసుల్లో అనురక్తిగలవాడు

అందరికి ఇష్టుడైనట్టివాడు

ఆరాధనకు ప్రియమైనవాడు

శ్రీ విష్ణు సహస్ర నామాలు ఉమా!

309)అవిశిష్టః -

సర్వాంతర్యామి యైనవాడు

సూర్యకిరణ సమానుడైనవాడు

ఛేదనము లేనట్టివాడు

శిష్టులను ఆకర్షించువాడు 

శ్రీ విష్ణు సహస్రనామాలు ఉమా!

310)శిష్టేష్టః -

బుధజనులకు ఇష్టమైనవాడు

సాధువులందు రక్తిగలవాడు

శిష్టులను ఆదరించుచున్నవాడు

సజ్జనులకు సహాయం చేయువాడు 

శ్రీ విష్ణు సహస్రనామాలు ఉమా!

(సశేషం )