శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

226)సహస్రాక్షాః -

వేయినేత్రములు గలిగినవాడు

దివ్యమైన దృష్టిగలవాడు

అన్నిటినీ గ్రహించగలవాడు

సర్వలోక దృష్టిలోనుండువాడు

శ్రీ విష్ణు సహస్రనామాలు!ఉమా!

227)సహస్రపాత్ -

సహస్ర పాదములు గలవాడు

శీఘ్రగమనము చేయువాడు

విశ్వమంతా చరించగలవాడు

సర్వాంతర్యామిగానుండువాడు 

శ్రీ విష్ణు సహస్రనామాలు ఉమా!

228) ఆవర్తనః -

జగత్ చక్రమును తిప్పువాడు

సంసారమును నడిపించేవాడు

తోడుగానుండగలిగిన వాడు

తనవైపు మరలించువాడు 

శ్రీ విష్ణు సహస్ర నామాలు ఉమా!

229) నివృత్తాత్మా-

విశ్వంతో సంబంధం లేనివాడు

సందేహ నివృత్తిచేయగలవాడు

నిస్సంశయముగా నుంచువాడు

నమ్మకమును కలిగించువాడు 

శ్రీ విష్ణు సహస్ర నామాలు ఉమా!

230) సంవృతః -

అవిద్యను తొలగించువాడు

మాయను తీసివేయగలవాడు

జ్ఞానము పంచుటకు సమర్థుడు

పొరలను తొలగించినట్టివాడు 

శ్రీ విష్ణు సహస్రనామాలు ఉమా!

(సశేషం )