శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

376)శ్రీగర్భః -

సకలైశ్వర్యములున్నవాడు

గర్భంలో నిధులున్నవాడు

శ్రీలక్ష్మిని ధరించినట్టి వాడు

సంపదలిచ్చునట్టి వాడు 

శ్రీ విష్ణు సహస్రనామాలు ఉమా!

377)పరమేశ్వరః -

ఉత్కృష్టమైనట్టి వాడు

ఈశ్వరులలో అగ్రగణ్యుడు

పరమము తానైనట్టి వాడు

పరమేశ్వరాకృతి గలవాడు 

శ్రీ విష్ణు సహస్ర నామాలు ఉమా!

378)కరణమ్ -

జగత్తుని ఉత్పత్తిచేయువాడు

సాధనము తానే అయినవాడు

పరికరము వలే ఉండువాడు

కరణము తానైనట్టి వాడు 

శ్రీ విష్ణు సహస్రనామాలు ఉమా!

379)కారణమ్ -

జగత్తుకు కారణమైనవాడు

ప్రాణులను నడిపించేవాడు

చర్యలకు మూలమైనవాడు

చరాచరములను తీర్చువాడు 

శ్రీ విష్ణు సహస్రనామాలు ఉమా!

380)కర్తా -

సమస్తకార్యాలు జరుపువాడు

కర్మలకు కర్త అయినవాడు

పనులను సంకల్పించువాడు

కర్మల కారకుడైనట్టి వాడు 

శ్రీ విష్ణు సహస్రనామాలు ఉమా!

(సశేషం )