శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

451)సర్వదర్శిః -

సకలమును దర్శించుచున్నవాడు 

విశ్వదర్శనమును చేయువాడు 

అంతయును చూడగలిగినవాడు 

చరాచర ప్రకృతి దార్శనికుడు 

శ్రీ విష్ణు సహస్రనామాలు ఉమా!

452)విముక్తాత్మా -

స్వరూపవిముక్తి నొందినవాడు 

ఆత్మను విడిచినట్టి వాడు 

మనోబంధనములేనివాడు 

స్వచ్ఛతమముగా నున్నవాడు 

శ్రీ విష్ణు సహస్ర నామాలు ఉమా!

453)సర్వజ్ఞః -

బుద్ధదేవుడు తానైనవాడు 

సర్వమూ తెలిసినట్టివాడు 

సమస్తమూ ఎరిగినవాడు 

సర్వజ్ఞత కలిగియున్నవాడు 

శ్రీ విష్ణు సహస్రనామాలు ఉమా!

454)జ్ఞానముత్తమమ్-

ఉత్తమజ్ఞానం కలిగినవాడు 

ఎరుకకలిగియున్నట్టి వాడు 

రూపగుణముల సమన్వితుడు 

జ్ఞానకారణమగుచున్న వాడు 

శ్రీ విష్ణు సహస్ర నామాలు ఉమా!

455)సువ్రతః -

చక్కని వ్రతదీక్షగలవాడు 

కార్యాచరణము చేయువాడు 

సత్సంకల్పమున్నట్టి వాడు 

సువ్రతునిగా నుండినవాడు 

శ్రీ విష్ణు సహస్రనామాలు ఉమా!

(సశేషం )