ఆవేదన-నివేదన;- -గద్వాల సోమన్న,9966414580

కాలువ గట్టున బాలుడు

వేణువు పట్టి ఊదుడు

గలగల పారే నీరు

తలపించుచున్నది యేరు

పచ్చిక మేసే ఆవులు

ఆలకిస్తున్నవి చెవులు

ఏపుగా ఎదిన తరువులు

ఒలకిస్తున్నవి సొగసులు

ఎంత అందమో ప్రకృతి

మనసులు దోచే ఆకృతి

చుట్టూ నీలి మేఘాలు

నింగిని తాకే వృక్షాలు

కన్నులు రెండు చాలవు

ఊహకు అసలే అందవు

భలే భలే అందాలు

ప్రకృతి సజీవ సాక్ష్యాలు

ప్రకృతి ఒడిలో ఆనందము

దొరుకుతుంది ఆరోగ్యము

మనసుకెంతో ఆహ్లాదము

పంచిపెట్టును వినోదము

పచ్చదనమును చెరపకండి!

ఎడారిలా మార్చకండి!

మానవ మనుగడకు ముప్పు

తెచ్చి తప్పు చేయకండి!