అక్షరాల ఆవేదన;- -గద్వాల సోమన్న,9966414580

పచ్చని చెట్లు నరికివేత

పుడమి తల్లికి గుండెకోత

నరికి నరికి వృక్షజాలమును

తెచ్చిపెట్టకు ఊచకోత

ప్రాణ వాయువులను పంచే

ఆయురారోగ్యాలను పెంచే

పరోపకారులు వృక్ష జాతిని

నరకవేయకండి ఈ రీతిని

చెడు వాయువులు పీల్చుకుని

స్వచ్ఛ వాయువులు పంచుకుని

క్షమతో ఉపకరించు వ్యధ 

తన గుండెలోన దాచుకుని

మేలుకు ప్రతిగా  కీడుచేయుట

కృతఘ్నత భావం చూపించుట

ఇకనైనా మానవా! మానవా!!

మానవత్వంతో  మసలవా!