శ్రీ విష్ణు సహస్రనామాలు (బాల పంచపది ఎం. వి. ఉమాదేవి

756)ధరా ధరః -

భూమిని ధరించియున్నవాడు 

ధరణిని కాచుచుండిన వాడు 

సర్వప్రాణులను రక్షించువాడు 

భూదేవికి పతియైనట్టివాడు 

శ్రీ విష్ణు సహస్రనామాలు ఉమా!

757)తేజో వృషః -

సూర్యతేజమున్నట్టి వాడు 

కిరణములచే వర్షించువాడు 

మేఘకారణముగా నున్నవాడు 

తేజో వృషుడైనట్టి వాడు 

శ్రీవిష్ణు సహస్రనామాలు ఉమా!

758)ద్యుతి ధరః -

కాంతిమాత్రమైన మేనున్నవాడు 

తేజస్సు ఆవరించినవాడు 

వెలుగులు నిండియున్నవాడు 

ద్యుతిధరుడై యుండినవాడు 

శ్రీవిష్ణు సహస్రనామాలు ఉమా!

759)

సర్వశస్త్ర భృతావరః -

శస్త్రధారులలో శ్రేష్ఠమైనవాడు 

సర్వాయుధములు గలిగినవాడు 

యుద్ధవీరుని రూపంలోనివాడు 

సర్వశస్త్ర భృతిగలిగినవాడు 

శ్రీ విష్ణు సహస్రనామాలు ఉమా!

760)ప్రగ్రహః -

ఇంద్రియములు జయించువాడు 

అనుగ్రహపగ్గాలతో కట్టువాడు 

భుజబలముతో ఆపువాడు 

బంధించగలిగినట్టి వాడు 

శ్రీవిష్ణు సహస్రనామాలు ఉమా!

(సశేషం )