881)రవిః -
సూర్య విభూతి గలిగినవాడు
సర్వరస పోషణము చేయువాడు
ప్రాణుల జీవము తానైయున్నవాడు
రవి కిరణముల వెలుగువాడు
శ్రీవిష్ణు సహస్రనామాలు ఉమా!
882)విలోచనః -
వివిధరూపముల ప్రకాశకుడు
విశ్వమును పరికించునట్టివాడు
సర్వవిషయములు చూచువాడు
విలోచన నామమున్నట్టి వాడు
శ్రీ విష్ణు సహస్రనామాలు ఉమా!
883)సూర్యః -
ప్రాణులకు జీవమును యిచ్చువాడు
వెలుగులరేడు తానైనవాడు
జీవశక్తిని ప్రసాదించువాడు
తిమిరమును తొలగించేవాడు
శ్రీ విష్ణుసహస్ర నామాలు ఉమా!
884)సవితాః -
సర్వలోక సృజనము చేయువాడు
సమస్త జగతి మూలకారకుడు
లోకములనుత్పన్నము చేసేవాడు
విశ్వముకు తండ్రివంటివాడు
శ్రీ విష్ణు సహస్ర నామాలు ఉమా!
885)రవి లోచనః -
సూర్యనేత్రములు గలిగినవాడు
కన్నులలో తేజస్సు ఉన్నవాడు
రవికిరణముల చూపున్నవాడు
భానుప్రకాశ నేత్రములవాడు
శ్రీవిష్ణు సహస్రనామాలు ఉమా!
addComments
కామెంట్ను పోస్ట్ చేయండి