శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

871)అభిప్రాయః -

అభిలాషగలిగినట్టి వాడు 

అభిప్రాయమును తెలుపువాడు 

తన్ను అభిలషించు వారున్నవాడు 

అభిమానులను గలిగినవాడు 

శ్రీవిష్ణు సహస్రనామాలు ఉమా!

872)ప్రియార్హః -

ప్రేమపాత్రునిగా నుండినవాడు 

భక్తులకు దగ్గరివాడైనవాడు 

సాధుజన ప్రేమపాత్రుడైనవాడు 

ప్రియమైన విధంగా నున్నవాడు 

శ్రీ విష్ణు సహస్రనామాలు ఉమా!

873)అర్హః -

అర్పించబడుటకు తను అర్హుడు 

కొలువుచేయ అర్హతగలవాడు 

పూజింప యోగ్యతగలవాడు 

భక్తులకు తగినట్లున్నవాడు 

శ్రీ విష్ణుసహస్ర నామాలు ఉమా!

874)ప్రియకృత్ -

భక్తులకానందము నిచ్చువాడు 

ఆశ్రయం కల్పించగలవాడు 

ప్రియమైన కర్మలను చేయువాడు 

సజ్జనులను కాపుదల చేయువాడు 

శ్రీ విష్ణు సహస్ర నామాలు ఉమా!

875)ప్రీతివర్థనః -

భగవంతునిపై ప్రీతినిల్పువాడు 

భక్తులును ఆదరించునట్టివాడు 

అనుసంధానము చేయగల వాడు 

ప్రియమును వర్థిల్లజేయువాడు 

శ్రీవిష్ణు సహస్రనామాలు ఉమా!

(సశేషం )