ప్రాస పద గేయం;- -గద్వాల సోమన్న,9966414580

చల్లని గాలులు వీచెను

మల్లెలు కూడా పూచెను

ఎల్లలు లేని మోదమే

ఎల్లరి మదిలో వెలసెను

చుక్కలు నింగిని మెరిసెను

చక్కని సొగసులు రువ్వెను

లెక్కకు మించిన మోదమే

చక్కిలిగింతలు పెట్టెను

వెన్నెల జల్లులు కురిసెను

కన్నుల పండుగ చేసెను

వెన్న వన్నె రీతిలోన

మిన్నగా  మదిని దోచెను

నవ్వులు ముఖమున విరిసెను

దివ్వెల మాదిరి వెలిగెను

పువ్వు అందచందాలై

నవ్వే ఘనమని తెలిపెను