981)యజ్ఞాoతకృత్ -
===============
యజ్ఞము చివరికి ఫలమిచ్చువాడు
కార్యక్రమం ఫలితమొసగువాడు
యాగఫలములు అందించినవాడు
యాగప్రభావము చూపించువాడు
శ్రీ విష్ణుసహస్ర నామాలు ఉమా!
982)యజ్ఞగుహ్యంమ్ -
గోప్యమైన యజ్ఞముల చేయువాడు
గుప్తయజ్ఞము తానైనట్టివాడు
విశ్వయజ్ఞములకు కారకుడు
స్వామి యాగరహస్యమైనవాడు
శ్రీ విష్ణు సహస్ర నామాలు ఉమా!
983)అన్నం-
ఆహారము తానే అయివున్నవాడు
అన్న పరబ్రహ్మగా నుండినవాడు
నిరంతర ప్రసాదం అయినవాడు
ప్రాణులకు ఆకలి తీర్చెడివాడు
శ్రీవిష్ణు సహస్రనామాలు ఉమా!
984)అన్నాదః -
అన్నమును స్వీకరించునట్టివాడు
ప్రసాదమును పొందుచున్నవాడు
ఆహారభక్షణమును చేయువాడు
భక్తుల నైవేద్యము అందుకొనువాడు
శ్రీ విష్ణు సహస్ర నామాలు ఉమా!
985)ఆత్మయోనిః -
తననుండే ఆవిర్భావమగువాడు
ఆత్మనుండి జనియించినవాడు
అనాదినుండి యున్నట్టివాడు
తనపుట్టుకకు మూలమైనవాడు
శ్రీ విష్ణుసహస్ర నామాలు ఉమా!
addComments
కామెంట్ను పోస్ట్ చేయండి