956)ప్రాణదః -
==========
ప్రాణప్రదాతయై యున్నవాడు
జీవచేతనముకు ప్రసాదకుడు
శక్తి దాయకునిగా నున్నవాడు
ప్రాణద యని పిలువబడువాడు
శ్రీవిష్ణు సహస్రనామాలు ఉమా!
957)ప్రణవః -
ప్రణవస్వరూపుడు అయినవాడు
ఓంకార శబ్దము తానైనవాడు
దేవతలకు ప్రధానమైనవాడు
ప్రణవ నామమున్నట్టి వాడు
శ్రీ విష్ణుసహస్ర నామాలు ఉమా!
958)పణః -
సర్వకార్యములకు నిర్వాహకుడు
ధనమును సమకూర్చుచున్నవాడు
విలువలు కట్టుచున్నట్టివాడు
నిర్ణయములు చేయుచున్నవాడు
శ్రీ విష్ణు సహస్ర నామాలు ఉమా!
959)ప్రమాణః -
స్వయముగా జ్ఞానస్వరూపుడు
దివ్యప్రమాణము అయినవాడు
సత్యము, శాశ్వతమైనట్టివాడు
ప్రత్యక్ష ప్రమాణము అయినవాడు
శ్రీవిష్ణు సహస్రనామాలు ఉమా!
960)ప్రాణనిలయః -
సమస్తజీవుల ప్రాణనిలయుడు
ప్రాణులన్నిటికీ విరామకుడు
అంతిమ స్థానమైనట్టివాడు
పరమపదము చేర్చగలవాడు
శ్రీ విష్ణు సహస్ర నామాలు ఉమా!
addComments
కామెంట్ను పోస్ట్ చేయండి