*పొగరుబోతు పాపిరెడ్డి* : - అన్నారం కుసుమాంజలి-7వ, తరగతి -జిల్లా పరిషత్ ఉన్నత పాఠశాల బక్రిచెప్యాల-జిల్లా సిద్దిపేట.-9704865816

 అనగనగా ఒక ఊరిలో పాపిరెడ్డి అనే రాజు ఉండేవాడు.అతనికి గర్వం ఎక్కువ.పొగరుగా ఉండేవాడు.రాజు వాళ్ళ తండ్రి ఉన్న ఆస్తులన్నీ అమ్ముకున్నాడు.రాజ్యం మాత్రం కొడుకుకు అప్పచెప్పాడు.పాపిరెడ్డి
ఊరిలో అందరినీ బెదిరించుకుంటూ జీవనం గడిపేవాడు.ఊరిలో పాపిరెడ్డి మాట ఎవరు వినడం లేదు.
ఒకరోజు పక్కూరికి పయనమై పోతాడు.
బాగా ఆకలి వేస్తుంది.
జేబులో డబ్బులు లేవు.
అక్కడ సత్తయ్య చికెన్ బిర్యాని హోటల్ చూశాడు.
నా వద్ద డబ్బులు లేవే అని
మనసులో అనుకున్నాడు.
తను మనసు చెప్తుందికదా! నువ్వైతే వెళ్లి భోంచెయ్ తర్వాత సంగతి ఆలోచించు అని అంటుంది.
అప్పుడు  హోటల్ లోకి వెళ్లి చికెన్ బిర్యానీ ఆర్డర్ చేస్తాడు.
పొట్ట పలుగ తింటాడు.
అప్పుడు డబ్బులు కట్టుమని సత్తయ్య అడుగుతాడు.
ఏరా! నీకెంత ధైర్యం రా! నువ్వే నన్ను డబ్బు అడుగుతావా! నీకు ఈ "చికెన్ బిర్యానీ హోటల్" పెట్టుకోవడానికి పర్మిషన్ ఉందా!ఇప్పుడే నీ హోటల్ ను మూసి వేయిస్తాను అని బెదిరిస్తాడు.లైసెన్స్ లేక నడుపుకుంటున్న సత్తయ్య నా హోటల్ తీసేయకండి.తిన్న డబ్బులు ఇవ్వకపోయినా
పరవాలేదని వేడుకుంటాడు.
అలా రా! దారికి అంటూ పాపి రెడ్డి  అక్కడినుండి వెళ్లిపోతాడు.