చావు బ్రతుకుల రహస్యం .:-చుంచు సంతోష్ కుమార్- మర్రిముచ్చాల-మొబైల్ : 9849572432

సాహితీ కవి కళా పీఠం

సాహితీ కెరటాలు

==============

నీ ..

బాధ్యత బాధ్యత బాధ్యత  

గొప్ప అర్థం ముడి కలిగినది బాధ్యత

చితికి బతికినా బతికి చితికిన

ప్రతి బ్రతుకు ఇల పైకి ..

ఏదో ఓ బాధ్యతతో వచ్చినదే ..!!

ఊపిరి ఉన్న క్షణం వరకు

ఊరేగక తప్పదు పుడమిని ప్రతి ప్రాణం

ప్రాణం ప్రాణం పోయే క్షణం వరకు

తనకు కలిగిన బాధ్యతను తీర్చుకోక తప్పదు

ఎప్పటికైనా చివరికి క్షణం కడవరకు ..!!

చీకటి వెలుగులది ఈ లోకానికి

అలుపెరుగని బాధ్యత ..

భవ బంధాల అల్ప జీవుల బాధ్యత బంధం

మరణం కలిగిన చితిమంటల 

చిరునామతో ముగిస్తుంది ..

ప్రాణం ఎంచుకొని వచ్చిన బాధ్యత ..!!

మనిషిని వీడింది నీడనుకుంటే పొరపాటు

తలరాతన రాసిన బాధ్యత 

నేలరాలే క్షణం వరకు ..

ప్రాణాన్ని వెంటాడుతూ వచ్చే మరణపు వడిలో

బంధువై ముగిసిపోతుంది బాధ్యత ..!!

అవుననుకున్నా కాదనుకున్న

లేదనుకున్న ఉందనుకున్నా

తప్పనుకున్న ఒప్పుకున్నా

తరిమేసిన చేరదీసిన తప్పక తప్పనిది

తలవంచి ప్రతి జీవి స్వీకరించాల్సినదే బాధ్యత

బాధ్యత ముగిసినదా ..?

బ్రతుకు ముగిసిన కథ అయిపోవాల్సిందే 

ప్రతి జీవి ఇలపై ..!!