ఓ నా జాబిలి :- డా. మంజు ప్రీతం కుంటముక్కల-మదనపల్లి

సాహితీ కవికళాపీఠం

సాహితీ కెరటాలు 

================

జాబిలి ఓ నా జాబిలి

ఏ కోటలో నిన్ను కొల్లగొట్టాను నమ్మలేను

గుండె లోతుల్లో నీవైపే ఈ దారి వెళుతుంది

నువ్వే వెలుగుని పంచే వెన్నెలై నిలుస్తున్నావే!

ఆకాంక్షల తీరాలే తడిచే నా కలలే

మౌనపు రాతల్లో విరహమే మాటలే

కనుల సాక్షిగా ఎదురుచూపులే

నీ కోసం వేచిచూస్తూ కాలమే నిలిచిపోయిందే!

ఉసురే ఊసుగా నిన్ను పలికే వేదన

గడియారమెరగని గమ్యం లేని ప్రయాణం

నీ చూపే అమృతమై నిలిచిందే

ఈ శ్వాసల్లో నీవే పరవశమే!

ఓ నా జాబిలి… ఈ ఘడియలోనైనా

ఓసారి రావే… నా హృదయం తడిసిపోతుంది

నువ్వే నా అందాల జాబిలి

ఈ జన్మంతా నీవే నాకు ప్రాణమవ్వవా…!