రణరంగ రాణా!:- సాधNa సాధన.తేరాల,ఖమ్మం.-ఎం. ఏ (ఇంగ్లీష్ ); డి. ఎడ్.

మహారాణా ప్రతాప్ జయంతి సందర్భంగా ఈ  కవిత

====================

రణరంగ రాణా! వీర శిఖరా!

మేవాడ్‌ మహీపై మెరిసిన సూర్య,

రాణా ప్రతాప్, నీవు వీర కాంతి కిరణం.

స్వాతంత్ర్య జ్వాలలో సంగ్రామ ధీర,

శత్రువు సైన్యంపై భీకర గర్జన!

ఖడ్గం ఝళిపించే రణరంగ నాయక,

అగ్నివర్షంలో అజేయ వీర,

ధైర్యం నీ శ్వాస, స్వాభిమానం నీ రక్తం.

స్వదేశ గౌరవ రక్షణ కవచ ధారీ!

చేతక్, నీ సఖుడు, వేగ రాజం,

రణభూమిలో పిడుగై పరుగెత్తె,

రాణా కోసం రక్తం చిందిన గుర్రం,

మిత్రత్వ గాథలో అమరమైన వీరం!

హల్దీఘాట్‌లో రక్త సముద్రంలో,

నీ ఖడ్గ నృత్యం...శత్రువు సంహారం,

ఒంటరిగా నిలిచి ఓర్పు చూపిన ధీరా,

స్వాతంత్ర్య దాహంలో నీవే ఆధారం!

అరణ్యంలో అలమటించిన రాత్రుల్లో,

చేతక్‌తో చెలరేగిన చైతన్య యాత్ర,

మొఘల్‌ సైన్యం ముందు నీవు నిలిచావు,

మేవాడ్‌ గర్వంగా నీ గాథ  చెప్పుకునేలా చేసావు!

ఓ రాణా...!

 నీ సంకల్పం అగ్నిజ్వాల,

నీ శౌర్యం రాజపుత్ర గీతం,

చేతక్ నీడలో చరిత్ర నడిచిన రణం,

నీ గాథలు చిరస్థాయిగా నిలిచె సదా!

మహారాణా! నీ జయంతి రణభేరి,

వీరత్వ గీతంలో నీవే స్ఫూర్తి,

ధర్మం కోసం, దేశం కోసం నీ త్యాగం,

భారత యువ హృదయంలో నీకే జై జై!!

________