ప్రజా పోరాటాలే హద్దు :- విత్తనాల విజయకుమార్-హైదరాబాద్ -9985117789

సాహితీకవికళా పీఠం

 సాహితీ కెరటాలు 

================

నింగీ, నేలా, గాలీ, నీరూ, నిప్పులకు,

పెట్టుబడి పెట్టి వ్యాపారం చేస్తూ,

నీతీ, నిజాయితీ, నిలకడలకు నీళ్ళొదిలేస్తే,  

ముడిసరకుకి ధర పొందని కర్షకులతో,

ఉత్పత్తికి తగ్గ వేతనం లేని కార్మికులతో,

పోరాటపటిమలు బయట పడతాయి-

తిరగబడ్డ ప్రజా ఉద్యమాలకు,

పత్రికా రచయితల వ్యాసాలతో,

ప్రతిపక్ష నాయకుల పోరాటాలతో, 

సమాజ దోపిడీని బయట పెడితే, 

సర్కారు తెచ్చే సంబంధిత చట్టాలకు, 

ప్రజా పోరాటాలు ఆగిపోతాయి-

శ్రమించే కర్షక కార్మికులకు మన్ననొసగక,

నీచమైన పనులకు జాతిని వాడుతూ,

మనుషుల మనసులకు చేసిన గాయాలు 

మానక చెలరేగితే పుట్టేవే విప్లవాలు-

సామాజిక అసమానతలనూ,

బడుగుల బాధలనూ వెలుగులోకి తెచ్చే,

విప్లవ కవిత్వం ఉద్యమాలకు ఊపిరిచ్చి,

నక్సలైట్లుగా మారే వారి ఊపిరి తీసే,

విప్లవాలు వద్దు; పోరాటాలే మన హద్దు-

•••••••••••••••