దేవ దేవా..:- కాకర్ల రమణయ్య-గుడిపాటిపల్లి- 9989134834

సాహిత్య కెరటాలు కవి కళా పీఠం 

సాహితీ కవితలు

================

ధర్మం నాలుగు పాదాల 

మీద నడిచిన సత్తెకాలంలో

పేదవాడు పేదవాడు 

గానే ఉన్నాడు.

అంతర్జాలాలు అభివృద్ధి

చెంది ఆకాశ యాణం చేసే 

ఈ రోజూ, పేదవాడు

పిడికెడు మెతుకుల కోసం

దేవులాడే  బికారే ..

బక్కచిక్కిన బ్రతుకులు

పొట్ట కూటి కోసం నాడు నేడు

బ్రతుకీడుస్తూనే ఉన్నాయి..

చిల్లర పైసలకు చేతులు చాచే

వీధి బాలల మనోగతంకు ,

చిరిగిన దుస్తుల దీనస్థితికి 

చిల్లులు పడిన హృదయానికి

ఆత్మ బంధువై..

ఆకలికేకల గరళాన్ని 

మ్రింగే దేవ దేవుడవై

దిగిరావా..నీల కంఠుడా..!