అంతుచిక్కని రహస్యం:- - యామిజాల జగదీశ్

 ఆక్స్‌ఫర్డ్ విశ్వవిద్యాలయంలో, 185 సంవత్సరాలకు పైగా ఓ ఘంట ఆగకుండా మోగుతూనే ఉంది. కానీ ఎందుకలా నిరంతరాయంగా మోగుతోందో ఎవరికీ  తెలియదు.
దానిని "ఆక్స్‌ఫర్డ్ ఎలక్ట్రిక్ బెల్" అని అంటారు. ఈ వింత పరికరం ఏకైక బ్యాటరీతో నడుస్తోందని విశ్వవిద్యాలయం వారు చెబుతున్నారు, కానీ అన్నేళ్ళుగా ఎలా  మోగుతోందనే విషయం నేటికీ ఒక రహస్యంగానే ఉంది. ఈ ఘంట 1840 నుండి నిరంతరం ఎలాంటి అంతరాయమూ లేకుండా మోగటం అందరినీ ఆశ్చర్యపరిచే అంశం.
ఆసక్తికరమైన విషయం ఏమిటంటే, శతాబ్దాల నాటి ఈ  పరికరాన్ని ఎవరూ తెరచి చూడటానికి పూనుకోవడం లేదు అనేకంటే సాహసించడం లేదనేదే వాస్తవమని విశ్వవిద్యాలయం ప్రతినిధుల మాట‌. ఒకవేళ తెరిస్తే ఏమైనా ఆటంకం కలుగుతుందేమోనని ఆలోచిస్తున్నారట.
ఇది జింక్-సిల్వర్ ఆక్సైడ్ బ్యాటరీ యొక్క ప్రారంభ రూపం కావచ్చునని చాలామంది అభిప్రాయం. పని చేసినంత కాలమూ పని ఘంటానాదం వినిపించనిద్దాం అని విశ్వవిద్యాలయం వారంటున్నారు.
సాధారణ సాంకేతికత కూడా కొన్నిసార్లు తరతరాలుగా ఎలా ప్రభావం చూపుతుందో అనడానికి ఇదొక అద్భుత కదండీ.