ఓం.. నమః శివాయ.:- ఓగిరాల గాయత్రి.- విజయవాడ.

సాహితీ కెరటాలు.

===============

కైలాస శిఖరానా..

సువర్ణ మణిమయ సౌధమునందు, 

ప్రమథ గణ సమేతుడైయున్న 

పరమేశ్వరా..శిరస్సుపై 

జోడింపబడిన కరములతో నిలిచి, 

"ఓ సాంబశివా, స్వామీ,పరమశివా, 

పాహిమాం పాహిమాం" అని 

స్తుతించుచూ, బ్రహ్మ కల్పాలను 

కూడా క్షణ కాలమువలే.. 

ఆనందముతో ఎప్పుడు గడిపెదనో కదా!

ఉగ్ర జ్వాలలతో దేవతలందరకీ తీవ్ర 

భయమును కలిగించిన ఆగరళము 

అరచేతిలో అరముగ్గిన నేరేడుపండా..వైద్యుడిచ్చిన ఔషధ గుళికలా నాలుకపై ఉంచుకోవడానికి..!?

నీలమణి పొదిగిన కంఠాభరణమా?

కంఠమునందు నిలిపివేయడానికి..!

ఈ ఒక్కటే చాలదా? నీవు చేసిన ఈ మహోపకారం..!

చరాచర గణములను చూసి, 

వాటిని రక్షించడం కోసమని, 

దేవతలందరినీ పరుగెత్తించిన 

ఔషధము, ఉగ్ర జ్వాలలు కలిగినది, 

భీకరమైనది అయినట్టి గరళమును 

లోపలకు మ్రింగక, బయటకు 

క్రక్కక, నీవు నీ గళమునందే 

ఉంచుకున్నావే..!

హాలాహలం త్రాగి లోకాలను 

కాపాడిన ఓ నీలకంఠ!

స్వార్ధ జగతి నించి  రక్షించి మళ్ళీ 

కాపాడరా!

అది చూసిన భయమందని మా 

తల్లి పార్వతితో గూడి!

ఈ సంసార సాగరాన్ని దాటే 

ప్రాణవాన్ని మాకు ఉపాసించరా! 

కషాయం కాని దివ్య జ్ఞానాన్ని 

అర్హులమనిపిస్తే మాకు ఒసగి..

ఆత్మోన్నతిని మాకు  

కరతలామలకం చేయరా ఓ దేవరా!