ప్రజల వేదన,పోరాట ప్రేరణ:- ఎ. ఆర్. శ్రీకాంత్, వరంగల్

సాహితీ కవి కళా పీఠం 

సాహితీ కెరటాలు. 

================

వెలుగొస్తుంది చీకటిలో – విరిగిపోతుంది బంధంలో

గెలవాలి ప్రజల ఆశ – గర్జించాలి  జన సంద్రంలో

విప్లవాన్నే పునాది చేసి – కట్టుకుందాం ఊపిరిలో

నవజనాన్ని నడిపించేది – ఉద్యమాలే గాడిలో

నీతి లేకున్నా న్యాయం తోడే – పోరాటం ఓ బాధలో

గుడి గోపురం గర్జించదు – గళం మ్రోగాలి గాథలో

నీవే కావాలి నాయకుడిగా – పౌరుడిగా ప్రాణంలో

దూకిపోనీ దిక్కరాని – అన్యాయాల వానలో

కలమే. నీ ఆయుధం – కలకాలం ఓ భావంలో

పదమే నీ క్షిపణి అయి – పడిపోవాలి శత్రువులో

నిర్మాణమే నీ లక్ష్యంగా – నిత్య శ్రమికుడి క్షమలో

పద్యం కాదు ఈ కవిత్వం – ప్రజల కోప జ్వాలలో

నినాదమే నీ శక్తిగా – జనవాణిగా మారనీ

బానిసత్వం తుడిపెట్టే – రక్త గంధమై వీణనీ

రాళ్లపై రాసే భావాలు – ఉద్యమ రేకలై పాడనీ

దేహమైతే నీ గానమే – గుండె ధైర్యమే తాడనీ

ఉప్పెనలా ఊగిపడే – విప్లవ కెరటమై రా

గోడలు  కొలచే – కోపపు జ్వాలలై రా

భవిష్యత్తు పిలుస్తోంది – బతుకు బాటలో నడుచు రా

నువ్వు కదలాలి – నేల మగ్గాలి – ప్రజల గుండె లోతుల రా!