అతని అనుభవం:- నారి నరేష్ మస్కట్ ఒమన్,

సాహితీ కళాపీఠం,

సాహితీ కెరటాలు,

=============

ఓ విద్యావంతుడైన వ్యక్తి ఎన్నో నేర్పించగలడు, 

ఆయన అనుభవం అందరికీ ఉపయోగపడుతుంది, 

జ్ఞాన సంపద అతడు -

ప్రతి విషయాన్ని అధ్యయనం చేస్తాడు!

ఎంతోమందిని తీర్చిదిద్దుతాడు గొప్పగా, 

విలువలతో కూడుకున్న వ్యక్తిత్వం అతనిది, 

ఎంత పెద్ద సమస్య  - అయినా పరిష్కరిస్తాడు,

మెలుకవలు తెలిసిపోతాయి అన్ని విషయాలలో!

ఆయన నైపుణ్యం  కలిగిన వ్యక్తి,

అవసరం అందరికి ఉంది -

పాదరసంలా పనిచేస్తాయి ఆయన ఆలోచనలు, 

భుజస్కందాల మీద మోస్తాడు బరువులు!

విజ్ఞానం కలిగిన వ్యక్తి,

అపార అనుభవం కలిగుంది -

వ్యవస్థకోసం పాటు పడతాడు,

నిరంతరం సాగిపోతాడు అతడు!