గమనించగలిగితే....!:- కోరాడ నరసింహా రావు !

నాకేమీ తెలీదు...

   నాకేదీ చేతగాదు...

    నేనేమీ చేయలేను...

ఈ ఆత్మ న్యూనతే...

  మనిషిని అధహ్పాతాళానికి తొక్కేస్తోంది...!

ఇక్కడ చూడు....!

    దానిబలమెంత...!?

     అడిచేసే సాహసమేలాంటిది..?!

మన సంకల్పం బలమైనదైతే...అది ఎంత  

ఎంత కఠినమైనదైనా...

 అదెంత జటిలమైనదైనా..

  సాధించటం అసాధ్యమేమీ కాదు...!!

దేహ దౌర్బల్యం కన్నా...

   మనోదౌర్బల్యం...

       ప్రమాదకరం....!

   సమర్థులను కూడా...

    అసమర్థులను చేసేస్తోంది...!!

" గట్టిగా అనుకో అయిపోతుంది "

  కొత్త ట్రెండ్ డైలాగ్ వినలేదా...!

    దీన్ని మనవాళ్ళెప్పుడో...

  " ధృఢంగా సంకల్పించుకో  

   అయిపోతుంది..." అని

  ఏనాడో చెప్పారు...!

ఏ పనినైనా...కష్టం అనుకోకు...

   ఇష్టం గా ప్రయత్నించు

      విజయం నీదే...!

ఈ విషయాలలో....

  పశువులుపక్షులు...

   కీటకాలు...సమస్త ప్రకృతి మనకు గురువై బోధిస్తుంది...గమనించగలిగితే....!!