ఆకాంక్ష :- డా. మంజుప్రీతం కుంటముక్కల మదనపల్లె

సాహితి కవి కళాపీఠం 

సాహితీ కెరటాలు 

=============

విత్తుగా జననమెత్తి,

మొలకగా మారి,

వృక్షంబుగా కూరి,

ఫలంబుగా నిచ్చి —

జీవిత సారం చెప్పే

నీ మౌన గుణం

ఎంత గొప్పదో…!

విత్తు చిన్నదైనా

వృక్షం పెద్దదని

తెలిపే జీవమా,

నీకు వందనం సుమా…!

రాలే ఆకు,

వాడే పువ్వు —

మరణ సంకేతం

చూపే వృక్షరాజమా,

నీకు జోహార్లు…!

చిగురెత్తి పూసే ఆకు,

తిరిగొచ్చే ఫలం,

ఆశకు సంకేతమై

నిలిచావు నీవు —

అందుకు వందనాలు సుమా…!

ఏ చీకటి,

ఏ వర్షం,

ఏ వెలుగు

చెరచదంటూ,

సుగుణ ధామా,

నీకివే నా అభినందనలు సుమా…!!