యోగాయే నవయుగ మార్గం… - కవి రత్న సాహిత్య ధీర సహస్ర కవి భూషణ్ పోలయ్య కూకట్లపల్లి అత్తాపూర్ హైదరాబాద్

యోగా..!

ఊపిరికి పదునెక్కించే

ఒక శ్వాస శస్త్రచికిత్స…

యోగాతో..!

మనసుకు మెరుపులు...

జీవనానికి వెలుగులు...

యోగా అంటే..? 

సుదీర్ఘ జీవనానికి 

సంపూర్ణ ఆరోగ్యానికి

సమాజ శాంతికి మార్గం

శారీరక మానసిక ఆధ్యాత్మిక 

‌సమతుల్యతకు మూలస్తంభం...

ఉదయ కిరణంలో 

దాగి ఉంది అఖండ శక్తి...

సూర్య నమస్కారాలతో 

అందుతుంది ఆదిత్య శక్తి...

శ్వాస మీది ధ్యాసతో ఆరోగ్యం 

చేస్తుంది ఆనందతాండవం... 

ఆసనాలతో...అంగ సౌష్టవం

ప్రాణాయామం...పవిత్ర గీతం

పద్మాసనంతో...ధ్యాన సౌరభం

వృక్షాసనంతో... స్థిత ప్రజ్ఞత...

శవాసనంతో...విశ్రాంతి లోకం

అష్టాంగ యోగం...అమృత బాట

సమాధి స్థితిలో...వెలుగును ఆత్మ జ్యోతి 

మనసు మునుగును...శాంతి సాగరంలో...

ప్రతి సంవత్సరం యోగా దినోత్సవం 

మానవాళికి అది ఆరోగ్య సంబరం

పతంజలి మార్గం పరమ పావనం

యోగ సాధనతో జీవితం సుఖమయం...

క్రమ శిక్షణతో రోజు కఠోర సాధన వేస్తే

అది వ్యాధుల తలుపుమూసే మార్గం

యోగాతో.....అందే ఆరోగ్యమే స్వర్గం...

అంతర్ముఖానుభూతి....యోగ ధ్యానం

ఆనందపు ఆరుణోదయం...యోగాసనం

అంగాంగ ఆరోగ్య ప్రయోగం వ్యాయామం...

బీపీకి షుగర్‌కు...శ్రీ రామ రక్ష...

నిర్లక్ష్యానికి నిర్దాక్షిణ్యంగా శిక్ష...

సుఖ జీవనానికి యోగా పునాది...ఇది

శరీరానికి క్రమశిక్షణ...ఆరోగ్యపు కిరీటం

మనసుకు శాంతి...జీవితానికి మార్గదర్శి.!