-నేటి కోచింగ్ సెంటర్లు:- ఆచార్య అయ్యలసోమయాజుల ప్రసాద్-హైదరాబాద్.

 మాకెలాగు చదువులేదని
పైసా పైసకూడబెట్టి పుట్టిన పిల్లల భవిష్యత్ బాగుంటుందని
మధ్యతరగతి , పూటగడవని వారు కూడా
నేడు అసత్యపు ప్రకటనలతో
మా బాల్యంలో సినిమా గురించి బండి వాడు మైకులో చెప్పినట్లు
ఆరో క్లాస్ నుంచే ఐ ఐ టి కోచింగ్
ఆ తరువాత అమెరికాకే పయనం
మీ పిల్లల భవిష్యత్ మా కోచింగ్ సెంటర్ ద్వారా ఉజ్వలమని
నేటి ప్రసార మాధ్యమాల ద్వారా చెప్పినది
అబద్ధమని తెలిసికూడా 
పొరుగింటి వారి పిల్లలతో పోల్చుకుంటు
తల్లిదండ్రులు కోచింగ్ సెంటర్లలో పిల్లలను పెట్టి
ఆడుకునే స్థలంలేక
చెప్పినది తలకెక్కక  చిన్నారులు మానసిక రోగులుగా మారిన సంఘటనలు
విద్యావేత్త గా అనుభవ పూర్వకంగా చెబుతున్న
ఆటలు, పోటీలు, వక్తృత్వాలు ధారణ శక్తిని శరీర ధారుఢ్యాన్నిపెంచును
ఆలోచించే శక్తిని కలుగచేయును
అవి లేక భయంతో క్షణికావేశంలో  పది ఏండ్లకే ఆత్మహత్యలు
కన్నవారి కడుపుకోతలు
ఒక్కసారి ఆలోచించండి
జీవించటానికి చదువొక్కటే కాదు
బాల్యపు మాధుర్యాలుండాలి
చక్కటి సుమతీ వేమన శతకాలు నేర్చుకోవాలి
అప్పుడే అసలయిన భవిష్యత్ ఏర్పడుతుంది
ర్యాంక్ లు ముఖ్యంకాదు
సమాజంలో ఎలా బ్రతకాలన్నదే చెప్పే  విద్యాలయం దేవాలయమే...!!