చదువుల అంతరాలు:- నామ వెంకటేశ్వర్లు,-జి ప ఉ. పా అయిటిపాముల,

నేనేం చదువుకోవాలి,    నేనేక్కడ చదువు కోవాలి

నాకు మూడున్నర సంవత్సరాలు      

మా ఊరిలో నా తోటి పిల్లలంతా 

టై బెల్ట్ షూ వేసుకొని బసెక్కి 

ప్రయివేట్ (కాన్వెంట్ ) బడికి పోతున్నారు. 

నాకు వెళ్లాలని ఉంది, కానీ 

మా ఇంట్లో ఆ తాహాతు లేదు

ఊరి బడికి పోదామంటేనేమో 

నాకు ఐదున్నర సంవత్సరాలు ఉంటేనే బడిలో చేర్చుకుంటారoట            

చదువు చదువుకోవడానికి పిల్లల  వయసులో

 అంతరాలెమిటో  నాకేమీ అర్ధం కావడం లేదు 

                                       "నేనేం "

 కాన్వెంట్ బడిలో విషయానికొక ఉపాధ్యాయుడంట, ఇంకా ఆటలు 

డ్రాయింగ్ మ్యూజిక్ కూడా అదనపు ఉపాధ్యాయులంట 

మా ఊరి బడిలో అన్ని తరగతులకు కలిపి 

పదిమంది కొక  ఉపాధ్యాయుడంట.                    

 అతడే అన్ని తరగతులకు అన్ని విషయాలు బోధిస్తాడట           "నేనేం "

జనాభా లెక్కలు, కాంప్లెక్స్ మీటింగ్స్, ఎన్నికల డ్యూటీస్, 

మిడ్డెమీల్స్ బిల్స్, ఇతర ప్రభుత్వ మీటింగ్స్ అన్ని తానై ఉంటాడు ,

 మిగిలిన.... కాలంలో పిల్లలకు బోధన కానిస్తాడట                      "నేనేం" 

ఎలానో ఒలాగా ప్రాథమిక విద్య పూర్తి చేసుకుంటే .

మాధ్యమిక ఉన్నత విద్యకోసం

నేను ఉన్నత పాఠశాలలో చేరాననుకో 

అక్కడ నాకు బోధించే విషయాలు ప్రభుత్వ నిబంధనల ప్రకారం  

తెలుగు హింది,ఇంగ్లీష్ మాథ్స్ సైన్స్, సోషల్, ఆటలు ఇతరములు 

ఈ బోధనే విద్యార్ధి సంపూర్ణ వికాసానికి ఆధారాలు                   

  కానీ.....

మా ఊరిలో ప్రైవేట్, కాన్వెంట్ లో 

చదివే పిల్లలకు  మాత్రం ఐఐటీ పేరుతో మ్యాథ్స్ సైన్స్  తప్ప 

మిగతావేవి బోధించరట.    "నేనేం"

IIT NEET ల లో సీట్స్ సాధించ్చాలానే కోరిక తో                                      

   శక్తి ఉన్నా లేకున్నా కార్పొరేట్ కాలేజీల్లో చేర్పించే తల్లి దండ్రులెందరో 

కళాశాలలు పిల్లలను ఫిల్టర్ చేయడం కోసం పెట్టే పరీక్షలెన్నో 

ఆ పరీక్షల ఒత్తిడి తట్టుకోలేక 

మానసిక రోగులుగా మారుతూ తమను తాము నశింప చేసుకునే భావి పౌరులెందరో 

అలా అయితే నైతిక, మానవత్వపు విలువలు, సమాజ పోకడలు తెలిసేదెట్లా!                   " నేనేం "

నీట్ ఐఐటీలు చదివిన వారికి ఉన్నతోద్యోగాలు,  గొప్ప జీతాలు వస్తున్నాయట.                              

 కానీ......   వారు సమాజం లో ఇమడలేక , సంసారమనే సాగరం ను ఈద లేక, 

శారీరక మానసిక రోగాలను కొని తెచ్చుకుంటున్నారట.

కానీ.....    \ మా ప్రభుత్వ పాఠశాలలోచదివిన పిల్లలెందరో 

ఉన్నత చదువులు ఉన్నతోద్యోగాలు రాకపోయినా, చేయక పోయినా 

చేసె పని వద్ద అందరితో మంచి మర్యాదతో 

కలగలసి పోతున్నారట, ఆరోగ్యంగా ఉంటున్నారట.                 "నేనేం "

నీట్ ఐఐటీ  చదువులు చదవాలనే పేద విద్యార్థులకు 

ఈ విద్య అందని ద్రాక్షేనా.... 

ఈ అంతరాల విద్యను, ప్రవేశ పెట్టి కొందరికె అందేటట్టు చేస్తూ, 

ఏమీ తెలియనట్టు నటిస్తున్నవి ఈ ప్రభుత్వాలు.                                

ఇలానే చూస్తూ కూర్చుంటే             

రాబోవు కాలాల్లో సమాజం            

 రెండు ముక్కలు గా విడిపోవడం తథ్యం . 

చదువొస్తుంటే ఉన్న మతి పోయినట్లు

నటిస్తున్నరు పాలకులు     " నేనేం "

ఇప్పటికైనా ప్రభుత్వాలు కళ్ళు తెరచి 

తేరిపారా చూడాలి.

అందరికి అంతరాలు లేని సమానమైన నాణ్యమైన విద్యను అందించి, 

అంతరాలు లేని సమాజంకోసం పాటుపడాలి.