ఇంటి దేవతలు: - మాండవరాజు అఖిల-9వ, తరగతి -ZPHS: బక్రిచెప్యాల.-చరవాణి 9704865816.

 ​

అదొక చిన్న పల్లెటూరు.ఆ ఊరిలో రామయ్య,సీతమ్మ భార్యాభర్తలు ఉండేవారు. వారికి ఇద్దరు పిల్లలు అక్క జేసిక,తమ్ముడు చింకు. రామయ్య,సీతమ్మలు కూలి పనులకు వెళ్లి పిల్లలను చదివించేవారు.
​పిల్లలు కూడా తల్లిదండ్రుల కష్టాన్ని గుర్తించారు.
జేసిక ఎప్పుడూ క్లాసులో ఫస్ట్ వచ్చేది.చింకు సెకండ్ వచ్చేవాడు.
​ఆ సంవత్సరం దీపావళి పండగ వచ్చింది.సీతమ్మ ఎంతో కష్టపడి దాచిన డబ్బులతో పిల్లలిద్దరికీ కొత్త బట్టలు కొనిచ్చింది. నాన్న రామయ్య మాత్రం చేతిలో ఒక చిన్న మట్టి కుండ, అందులో ఒక చిన్న మల్లె మొక్క పట్టుకుని వచ్చాడు.
​రామయ్య పిల్లలను పిలిచి, "పిల్లలూ!ఈ మల్లె మొక్కను మీకు కానుకగా ఇస్తున్నాను. దీనిని జాగ్రత్తగా పెంచండి"అంటాడు. రోజు నీళ్లు పోసిపెంచండి.మీకు ఇంకేమైన కోరికలు ఉన్నాయా అని నాన్న అడుగుతారు.మాకేం కోరికలు లేవు. మీ ఆశీస్సులు ఉంటే చాలు.మీరు మా ఇంటి దేవతలు అని నాన్నను కౌగిలించుకున్నారు.
​ ఒకరోజు అమ్మానాన్న ఇద్దరూ పక్కూరికి పని కోసం వెళ్తారు. ప్రమాదానికి గురయ్యారు. ఆ ఇద్దరూ అక్కడికక్కడే చనిపోయారు.
​జేసిక,చింకుఅనాథలైనారు. బంధువులందరూ వచ్చారు. పిల్లలను ఓదార్చారు.చింకు ఏడవడం మొదలుపెట్టాడు.కానీ జేసిక ధైర్యం కోల్పోలేదు. తమ్ముడి కన్నీళ్లు తుడిచి, చింకూ, అమ్మానాన్న మనతోనే ఉన్నారు. మనం అస్సలు ఏడవకూడదుఅని ధైర్యం చెప్పింది.
​తల్లిదండ్రులు లేకపోయినా జేసిక కష్టపడటం మొదలుపెట్టింది. ఉదయం బడికి వెళ్తూ, సాయంత్రం చిన్న చిన్న పనులు చేస్తూ తమ్ముడిని చదివించసాగింది.
​ఒకరోజు వర్షం పడింది.నాన్న ఇచ్చిన మల్లె మొక్క బాగా పెద్దదైంది. ఆ వర్షానికి మొక్క మొదట్లో ఉన్న మట్టి కొట్టుకుపోయింది. అప్పుడు చింకుకు అక్కడ ఏదో మెరుస్తూ కనిపించింది. అక్కడికి వెళ్లి చూడగా, ఒక పాత ఇనుప పెట్టె దొరికింది!
​ఆ పెట్టె తెరిచి చూస్తే అందులో కొంత డబ్బు, ఒక ఉత్తరం ఉన్నాయి. ఆ ఉత్తరంలో రామయ్య చేతిరాతతో ఇలా ఉంది:
​"నా బంగారు బిడ్డలారా! ఈ డబ్బు నేను మీ చదువుల కోసం దాచింది. కష్టం విలువ తెలిసిన రోజే దీనిని మీరు సాధిస్తారని ఇక్కడ దాచాను. చదువును ఎప్పుడూ ఆపకండి."
​అమ్మానాన్న తమ కోసం ఎంత ఆలోచించారో తెలిసి ఇద్దరూ ఏడ్చేశారు. ఆ డబ్బుతో జేసిక తమ్ముడిని, బాగా చదివించుకుంది. తాను బాగా చదివింది.
​జేసిక ఒక పెద్ద కలెక్టర్ అయ్యింది, చింకు ఒక సాఫ్ట్‌వేర్ కంపెనీ ఉద్యోగంవచ్చింది.ఇద్దరూ జీవితంలో స్థిరపడ్డారు.
​కానీ వాళ్ళు తమ గతాన్ని పడ్డ కష్టాన్ని మర్చిపోలేదు. తాము సంపాదించిన డబ్బుతో ఒక పెద్ద ఆశ్రమాన్ని నిర్మించారు. దానికి ఇంటి దేవతలు అని పేరు పెట్టారు.